السلام عليكم اليوم جبت ليكم عصير غينفعكم في هاد الصيف المهم بلا تطوال الهدرة ها المقادير

2كلغ خوخ منقي ومقطع طراف(من الاحسن تخلي شي خوخات بقشورهم)

2كلغ برتقال منقي ومقطع طراف ومحيدينليه العظومة

لتر ونصف ديال الماء

 

الطريقة

كتعملي هاد المقادير كلها في الكوكوت وتخليها تتبخ فوق عافية مهيلة حتى كتعسل 

وتختار المهم كيبان ليك داكشي طاب وكتخليه حتى يبرد مزيان وتطحنيه في مولينيكس

 من بد كتخويوه فشي بانيو كبير وتزيدي عليه 6 لتر ديال الماء والسنيدة على حسب 

الحلاوة اللي بغيتي وتبداي تصفي وتعمري في القراعي و ديريكت الثلاجة راه كيجي 

فن وديما كنديرو في الصيف خصوصا الى كانوا جايين الضياف 

كنحطو مع الحلوة غير جربو و ردوا عليا الخبار

المصدر: http://www.anaqamaghribia.com/vb/showthread.php?t=199776#ixzz31cZ1DFEZ

السلام عليكم ورحمة الله تعالى وبركاته
ثبت من طرف om nawaf
27 . 04 .2009



العصير ديال اليوم هو عصير الاخت ام امين2000, درت البارح مانقولكمش شحال رائع .تبارك الله عليك

اما الى درتوه باناشي مع لكلاص غادي ماتبعوش منو.او بلا ما نطول عليكم

هدا هو الرابط الى بغيتيو تجربوه:دخلو تدوقو عصير لديد وسهل التحضير
http://www.anaqamaghribia.com/vb/showthread.php?t=62675

وهدا تطبيقي بالصور

قطعت الحامضة وضفتلها السكر

 

وخليتها حتى طلقات الماء,وهاهي دي بعد مادازت 3 ساعات

 

طحنتها مع 1/2 لتر ماء

 

وهنا منين صفيتو


وطحنتو مرة ثانية مع 1/2لتر ماء(الوصفة الاصلية تزيدي 1لتر ماء)جاني هو هداك

 

وهاهو واجد

المصدر: http://www.anaqamaghribia.com/vb/showthread.php?t=63410#ixzz31cW4zKCK

السلام عليكم الانيقات مغديش نطول عليكوم غدي تصلقي كمية ديال الخوخ الي بغيتي وتعملي معاه القياس ديال سنيدة على حسب الحلاوة الي بغيتي ومنين يتصلق طحنيه في مولينكس بداك الماء الي بقا وتخليه خاتر شوية كيجي المداق ديالو بحال واحد العصير كيتباع في قرعة ديال الزجاج والي جرباتو ترد علي الخبار وبالصحة والراحة واحد الملاحظة الي بغات تصلق الخوخ وتوضعوا في المجمد والى جاوا عندها الضيلف بلا ما تعدب تجبدوا وتزيد معاه الماء وتطحنوا

المصدر:  http://www.anaqamaghribia.com/vb/showthread.php?t=201968

السلام عليكم اخواتي جبت ليكم اليوم واحد العصير منعش 
 

•  1  كيلو حامض
•  1  كيلو سكر سنيدة 

يعصر الحامض ونحكو القشرة ديالو ونخلط العصير مع القشرة نتاعو والسكر ونخلطهم مزيان وندخلوه للتلاجة يوم كامل مع التحريك مرة مرة ملي نخرجوه من التلاجة نصفيوه من القشرة نتاعو وندخلوه الفريكو ملي نبغيو نشربو منو نجيبو كاس ديال الماء + 2 معالق ديال العصير ونديروهم في مولنكس ونطحنو مزيان ونحصلو على عصير رائع وهاد الطريقة كتليق حتى الفريز للي بغات المقادير نكتبهالها وبالصحة والراحة

المصدر: http://www.anaqamaghribia.com/vb/showthread.php?t=8205#ixzz31cAQ9iV8